منگلورو 12؍مئی (ایس او نیوز)کروپاڈی تعلقہ پنچایت کے نائب صدر عبدالجلیل کے قتل کی تحقیقات سی آئی ڈی کے حوالے کرنے کی مانگ پر ضلع انچارج وزیر رماناتھ رائے نے کہا کہ اس کیس کو بڑی سنجیدگی سے لیا جارہا ہے اور اس کی تحقیقات صحیح ڈھنگ سے کی جارہی ہے۔
وزیر موصوف نے کہا کہ کسی بھی ملزم کو قانون کے شکنجے سے بچنے کا موقع نہیں ملے گا۔لہٰذا اس موڑ پر معاملہ سی آئی ڈی کے حوالے کرنا مناسب نہیں ہے۔ اگر اس کی ضرورت محسوس ہوئی تو اس ضمن میں آئندہ غور کیا جائے گا۔